ថ្ងៃស្អែកបែកគ្នា

អូនអើយ!ៗគេងទៅ យប់ជ្រៅៗណាស់ហើយ

អី! ខ្យល់បក់អឺ! ខ្យល់បក់រំភើយ

សង្សារបងអើយ! គេងឱ្យស្កប់ស្កល់

រៀមរែងរឹតគិតកង្វល់ ព្រោះនិមលរាល់យប់ថ្ងៃ

រៀមសែនអាណិតអឺ! ដល់ចិត្តចរណៃ

ធ្លាប់ថ្នាក់ថ្នមបីមិនដែលខុសឆ្គង

ថ្ងៃស្អែកៗបែកគ្នា បងលាៗនួនល្អង

អឺយ! ក្នុងគ្រាអឺ! ក្នុងគ្រានេះម្ដង

បងលានួនល្អង ទៅជួញណាស្រី

បងលាទៅពីរបីថ្ងៃ ចូរចរណៃនៅឱ្យសុខ

ពេលបងចាកទៅអឺ! ពៅកុំកើតទុក្ខ

ចំណីចំណុក រៀបទុកឱ្យប្ដី

អូននៅពៅអើយ! ចាំផ្ទះ ដុសជ្រះកុំទំនេរដៃ

អឺយ! កុំដើរ ចោលផ្ទះណាថ្លៃ

នាំគេមើលងាយ ថាស្រីខាតលក្ខណ៍

មានតែយើងទាំងពីរនាក់ ស្គាល់ជ្រៅរាក់ ណាស្រីស្ងួន

ជួញបានចំណេញអឺ! វិលវិញជួបអូន

ទឹកគ្រឿងត្រកួន អូនអើយ! ពីរនាក់