Келші Құланға

Маңдайын күн сүйіп,

Қарайды сыр түйіп,

Қара қыр тау биік,

Арайлы белім.

Ақ гүлі жерімнің

Мақтаған сенімін

Мақтаны елімнің

Алмагүлдерім.

 

Көркің әсем көктем,

Құмырсқа бел көкем,

Күлімдеші, күлші,

Жүзің гүл алма.

Үмбет құмын асып,

Жібек жолын басып,

Келші, сәулем, келші,

Біздің Құланға.

 

Қарама тым тұнық,

Сәбидей монтиып,

Басыңа гүл түйіп,

Қолыңды берші.

Сұлу төр шұрайлы,

Келін боп шырайлы,

Серік боп шынайы,

Қасыма ерші.

 

Қарақаттай көзің,

Балдай тәтті сөзің,

Алаулаған сезім,

Бақытым менің.

Жон-жотаны баса,

Кел терейік болса,

Қарақатпен қоса,

Уақыт гүлдерін.