Hemmige

S'git lüt die würde alletwäge nie Es Lied vorsinge so win j itz hiä Eis singe um käi prys nei bhuetis nei Wil si Hemmige hei Si wäred vielicht gärn im grund gnoh fräch Und dänked das syg ires grosse Päch Und slaschtet uf ne win e schwäre Stei Dass si Hemmige hei I weis das macht eim heiss verschlat eim d'Stimm Doch dünkts eim mängisch syg nüt so schlimm S'isch glich äs Glück o we mirs gar nid wei Dass mir Hemmige hei Was unterscheidet d'Mönsche vom Schimpans S'isch nid die glatti Hut, dr fählend Schwanz Nid dass mir schlächter d'Böim ufchöme, nei Dass mir Hemmige hei Me stell sech d'Manne vor, wenns anders wär Und s'chäm es hübsches Meiteli derhär Jitz luege mir doch höchstens chly uf d'Bei Wil mir Hemmige hei Und wenn me gseht was hüt der Mönschheit droht So gseht me würklech schwarz nid nume rot Und was me no cha hoffe isch alei Dass si Hemmige hei