Tremma 'na luce luntana
Mo' juorno se fa
Lenta 'na voce 'e campana
Me vene a chiammà
"Scetate e suoffre", me dice
"Nun si chiù felice
Fa mpresso 'a patì:
Chella ca suonne tu
Nun te vo bbene chiù!"
Sole, sole nun te voglio vedè
Chiagne mare, chiagne nzieme cu mme
Bella pe te nce vo n'ommo perduto
Nun c'è suspiro ca te po accattà!
Oi core, core spezzato
L'ammore già t'ha lassato
Bella, bella siente 'sta verità:
Si nun vuò bene, che si bella a ffa?
Bella pe te nce vo n'ommo perduto
Nun c'è suspiro ca te po accattà!
Oi core, core spezzato
L' ammore già t'ha lassato
Bella, bella siente 'sta verità:
Si nun vuò bene, che si bella a ffa?
Bella, bella siente 'sta verità:
Si nun vuò bene, che si bella a ffa?
