Hudební video
Kredity
PERFORMING ARTISTS
Karthik
Performer
COMPOSITION & LYRICS
Deepak Dev
Composer
Jis joy
Songwriter
Texty
ഒരു നോക്ക് കാണുവാൻ കാത്തിരുന്നവൾ
മിഴിയകന്ന് പോയോ
ഒരു കാറ്റ് പോലെയെൻ കൂടെ വന്നവൾ
വഴി മറന്ന് പോയോ
ഒരു കഥയായ് അവളകലും
അവളുടെ തേൻ ചിന്തുകൾ നോവുകളായ് പടരും
അലയുമൊരു കാറ്റിൻ ഇതളുകളായ്
വിടപറയാൻ ഇന്നെന്തേയീ വഴിയിൽ
വഴി മറയുമേതോ നിഴലിൻ വിരലുകളാൽ
അരികിലൊരോമൽ തിരിയണയും
നിമിഷമിതോ
പറയാതെയെന്തിനും കൂടെ നിന്നവൾ
മൊഴി മറന്ന് പോയോ
ഇടനെഞ്ചിലായിരം കനവെറിഞ്ഞവൾ
കഥ മറന്ന് പോയോ
തരി വളകൾ അവളണിയും
അവളുടെ കാൽപ്പാടുമായി ഈ വഴികൾ മറയും
അലിയുമൊരു പാട്ടിൻ മധുകണമായ്
ചെറുകിളികൾ ഇനി മെല്ലെ ചിറകുണരും
അരികിലൊരു കാറ്റിൻ ചിറകുകളാൽ
പ്രിയമെഴുമോമൽ കുളിരണിയും
പുലരികളിൽ
പൂവഴികൾ തേടണം പുതിയ നറുതിങ്കളായ്
വീണ്ടുമനുരാഗമാം ചില്ലമേൽ
ഈണമൊഴുകീടണം ഈ നനയുമോർമ്മയിൽ
ഈറനണിയാതെ നാം മേവണം
നനയണമീ ചാറ്റു മഴയിൽ
നിനവുകൾ ഒന്നായി വിടരാൻ
പ്രിയമെഴുമോമൽ കുളിരണിയും
പുലരികളിൽ
അലിയുമൊരു പാട്ടിൻ മധുകണമായ്
ചെറുകിളികൾ ഇനി മെല്ലെ ചിറകുണരും
അരികിലൊരു കാറ്റിൻ ചിറകുകളാൽ
പ്രിയമെഴുമോമൽ കുളിരണിയും
പുലരികളിൽ
അലിയുമൊരു പാട്ടിൻ മധുകണമായ്
ചെറുകിളികൾ ഇനി മെല്ലെ ചിറകുണരും
അരികിലൊരു കാറ്റിൻ ചിറകുകളാൽ
പ്രിയമെഴുമോമൽ കുളിരണിയും
പുലരികളിൽ
Writer(s): Dev Deepak, Joy Jis
Lyrics powered by www.musixmatch.com