Wann Du Wüst

Du schaust mi an - I gspia es tut dir weh!

Du schåffst es nimmer - und sågst ma - du musst jetzt geh

Wir håbn net vü gret und uns jedesmal mehr verletzt

Wås des mit uns gmacht hat, håbn wir net gsehen

Wir håbn uns so oft die Meinung gsågt

An einander vorbeigret und so einiges nie hinterfrågt

Jetzt wiss' ma beide, dass des so mit uns net weitergeht

Wir stengan uns afoch nur im Weg

Wånn du net wüst, nimm afåch net mei Hånd

Und wånn du net wüst, ruaf mi afoch nimma ån

Wånn du net wüst, dass i mit dir oid werdn kånn

Wånn du des net wüst

Wir håbn für die Kinder immer bestens funktioniert

Damit's kane Sorgn håbn, dabei håbn sas immer gspiat

Und wann ma heute so zruckschauen wiss ma, wir haben vü vasamt

San am Leben vorbeigrennt vor lauter Ångst

Wånn du net wüst, nimm afoch net mei Hånd

Und wånn du net wüst, ruaf mi afoch nimma ån

Wånn du net wüst, dass i mit dir oid werdn kånn

Wånn du des net wüst

Auf amoi kummst drauf, du hoitst dem andern nur an Spiagl vor

Und wåmmas söba net wahr haben wü, draht ma si um - wü nur sei Ruah

Irgendwie wiss ma beide, dass ollas schen sein kennt

Weu des Feia no imma brennt

Wånn du wüst dass i do bin, nimm mei Hånd

Und wånn du wüst, dass i do bin, ruaf mi ån

Wånn du wüst, dass i mit dir oid werdn kånn

Wånn du des wüst, dann bleib ma

Wånn du des wüst

Wånn du des wüst

Wånn du des wüst

Jo dann bleib ma

Wånn du wüst, dass i mit dir oid werdn kånn

Wånn du des wüst, dann bleib ma

Für immer zåmm