اشكر جمالك

خرّبتها والحين جيتك ولو كان

منْك الخطا كلّه بدا وأنت داري

ياخي تراني صدق بالحيل ولهان

ساحبه على اللي جاب للثقْل طاري

ساحبه على اللي جاب للثقْل طاري

يَا أول وآخر حب للحب عنوان

ذلِّيت أم الحال طال انتظاري

طال انتظاري، طال انتظاري

تصدمني بْهجرك ولا حسّ بـأحْزان

اصبر وواسي ضيق بالي واداري

بالي واداري، بالي واداري، بالي واداري

درب الهوى ما فيه كاسب و خسران

دام الحبايب بين بايع وشاري

يجلط خفوقي كلّ حاسد وخوّان

اللي يحاول يبعدِك عن مساري

يا ناعس العينين يا زهْر الاوجان

أشكر جمالك وبْجمالك أماري

بين النعومة والحسِن مظهرك بان

قمرية، متبخترة فالقماري

قمرية، متبخترة فالقماري

مثل الخمِر ريقك وأنا منْه سكران

لذة شفاتك للسعادة تباري

ضفني لـقلبك جيت للوصْل شفقان

في ليلة الاثنين من شوق ساري

أبغاك تاخذني غلا بين الأحضان

نطفي من الأشواق نارك وناري

نارك وناري، نارك وناري

من ضمّتك بآقول، ودّي من أزمان

يا ليتني في ديرتك وأنت جاري

وأنت جاري، وأنت جاري

درب الهوى ما فيه كاسب وخسران

دام الحبايب بين بايع وشاري

يجلط خفوقي كلّ حاسد وخوّان

اللي يحاول يبعدِك عن مساري

يا ناعس العينين يا زهْر الاوجان

أشكر جمالك وبْجمالك أماري

بين النعومة والحسِن مظهرك بان

قمرية، متبخترة فالقماري

قمرية، فالقماري