Wiene Falter zum Füür

es git lüüt, die säged, du passisch nid zu mier

du chömisch nid vom gliiche stärn

dini tröim, die gliiche mine nid

und du heigsch mi gar nid gärn

ja und ich, ich sigi nume e vogel,

einisch hiä und einisch da

es bruuchi meh als nume luft und liebi

für ne frau wie dich möge z’bha

wie ne falter zum füür ziehd mi zu dier

ich glaube fasch es muess so si

ich nimes wie’s chunnt, jede tag jedi schtund

wott i mi freue uf di

ja, ich has ghört, das grücht wo umgahd

mit üs sigs sicher glii verbii

aber mir isch’s gliich, was me hinnedure seid

sie predige wasser und suufe wy

ich weiss besser und du, du weisch es au

und das begriffed die eifach nie

es bruchti meh als nume schturm und gwitter

wenn me mi wett vertriibe vo hie

wie ne falter zum füür ziehd mi zu dier

ich glaube fasch es muess so si

ich nimes wie’s chunnt, jede tag jedi schtund

wott i mi freue uf di

wie ne falter zum füür ziehd mi zu dier

ich glaube fasch es muess so si

ich nimes wie’s chunnt, jede tag jedi schtund

wott i mi freue uf di

wie ne falter zum füür ziehd mi zu dier

ich glaube fasch es muess so si

ich nimes wie’s chunnt, jede tag jedi schtund

wott i mi freue uf di