កិន្នរឆ្នេរអូរឈើទាល

I- ឆ្នេរអូរឈើទាល រសៀលសុរិយា

រលកជលសា រលាស់សោភ័ណ

ចំណាំងពណ៌ពេជ្រ រំលេចឆព្វណ្ណ

លើកផ្ទៃសាយណ្ហ ស្រទន់រមណីយ។

II- ជំនោររអឹក ដឹកចិត្តស្រមៃ

កិន្នរ ហាលថ្ងៃ ជាប់ស្បៃជលធី

ឆ្នេរលយ សន្ធឹង វាលល្វឹងសោភី

កជើងទាំងពីរ ពាក់ចង្ក្រង់ផង ។

R-ស្បៃស្តើង ប៉ើងចេញ ដេញតាមវាយោ

ខ្សាច់ស ប្រផូរ ជំនោរឆ្លើយឆ្លង

កំណាត់ចុងកី ខ្លីគ្របបង្គង

ស្រល់រោយចាកទង បងស្លុងកាមា ។

III- រលកច្រានគ្នា រលា ននៀល

ហាក់ក្ដៅរោលរាល ចិត្តអន្ទះសា

ចង់យល់ ចង់ស្គាល់ ចង់ពាល់កាយា

ប្រលោមស្នេហា កិន្នរឆ្នេរខ្សាច់ ។