's isch wie's isch

's isch wia's isch

Mir hen Maura falla säh, König ond Kaiser,

dr Ma uff em Mond, dr goldene Reiter,

die Wahrheit von Gestern, heut Utopie,

was mr morga glaubat, a Fantasie.

Mir sen zsamma über sieba Brücka ganga,

alloi an der Treppa zum Hemmel gstanda,

für emmer jung, a bissle paranoid

oifach g'macht, nix bereut.

wenn nix mehr geht, dann spuhl doch oifach vor,

Rory, Phil ond Bon, gröhlats scho im Chor

's isch, wie's isch,

komm, mir schmiareds uff älle Wänd

's isch, wie's isch,

onser Happy-End

's isch, wie's isch,

he, was koschd die Welt,

sei, der du bisch,

dein stiller Held

 Mit em Jimmy träumt ond mit dr Jannis gsonga,

 mit em Eddie van Halen ganz hoch gspronga,

 jetzt dabbad mr rom in de ausglaschte Bahna,

 ond moinat die Zukunft ka mr plana.

Onser Scherbahaufa funkelt ond strahlt,

wenn Lucy mit ihre Diamanta prahlt,

bleib oifach a bissle wild ond verrückt,

na kommt des Gfühl von selber zrück

Gega dr Wend, macht Birne frei,

mit gebrochene Flügel, learning to fly,

die ganze Welt, i kauf se mir,

verpack se schee, ond schenk se dir.