No sta sugarme

Oh, iéro drio dite, so 'nda pescare

Co chealtro bruto baùco che xe insieme co to soréa

Eh, no peta, vara, el l'è entrà, no

No, anca uncuò, no, anca stasera no!

Te prego nooo, no sta sugàrme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne cóntito?

Te prego nooo, no sta sugarme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne contito?

Àreo, no sta dirme che sta qua xe vera

Te prego no, no sta sugàrme anca stasera

Dime dea pastura magica pa pessegati

Che va ben pa i bisati, o come malta pa i forati

Contame de Jordan col xe vegnùo catàrte

E te o ghe batùo a na gara de schiaciate

E de to pare, cintura nera decimo dan

E come ghe ga dà a Bruce Lee al sushi bar

E i Metallica? Co chea canson reggaeton

Fata su de rabalton so un capanon a Bojon

E de quando Kurt Cobain te ga fato

L'autografo sol brasso in Autogrill nel 2004

Quando col Ciao te si partìo in roda alta

Superando na ambueansa, saudando i caramba

Po te ga rapío i alieni pa studiarte i geni

Ma co queo che te bevi i te ga trapiantá i reni

Te prego nooo, no sta sugarme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne contito?

Te prego nooo, no sta sugarme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne contito?

Ti te conti a tuti quanti, mi canto e te fasso i conti

Te rivi fora, i scanpa e altri te i trovi sconti

Te sughi tuti quanti, co e bae no te fè sconti

Tute e to trovàe, cagàe e strani incontri

Come e to vacanse, tedesche a Rosoina

Pablo Escobar latitante a Sotomarina

Se te scolto co ti tante e fà matina

Ma una xe to mama e staltra xe to cugina

Te me ghe dito che te sciavi co Alberto Tomba

Ma iera el bechin inbriago, Alberto Onbra

Nel to paese tuti te ciàma Luca Gada

Parché una xe na bàea e straltra xe na cassada

Però se ghe penso, casso quanto che rido

Che ormai co te me parli, mi vara, quasi me fido

Te ghe costansa a contarle senpre giganti

Che forse te si el pi sincero de tuti quanti

Te prego nooo, no sta sugarme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne contito?

Te prego nooo, no sta sugarme ancora

No so parchè, anca stasera te si fora

So massa bon, ma dime quando ghe móito?

Go na domanda: quante ancora ghe ne contito?