Ja nus hons pris ne dira sa raison
Adroitement, se dolantement non
Mais par confort puet il faire de chançon
Moult ai amis, mes povre sont li don
Honte en auront, se por ma reançon
Sui ces deus yvers pris
Ce sevent bien mi home et mi baron
Englois, Normant, Poitevin et Gascon
Que je n'avoie si povre compaignon
Qui je laissasse por avoir en prison
Je ne di pas por nule retraçon
Mais encor sui je pris
Ja nus hons pris ne dira sa raison
Adroitement, se dolantement non
Mais par confort puet il faire de chançon
Moult ai amis, mes povre sont li don
