Zappatore

Felicissima sera A tutte 'sti signure 'ncravattate E a chesta cummitiva accussi allera D'uommene scicche e femmene pittate Chesta è 'na festa 'e ballo Tutte cu 'e fracchisciasse 'sti signure E' i' ca so' sciso 'a coppa sciaraballo Senza cerca' o permesso abballo i' pure Chi so che ve ne 'mporta Aggio araputa 'a porta E so' trasuto cca' Musica musicante Fatevi mordo onore Stasera miezo a st'uommene aligante Abballa un contadino zappatore No signore avvocato Sentite a me nu ve mettite scuorno Io pe' ve fa' signore aggio zappato E sto' zappanno ancora notte e ghiuorno E so' duje anne duje Ca nun scrive nu rigo a casa mia Vossignuria se mette scuorno 'e nuje Pur'i mme metto scuorno 'e 'ossignuria Chi so' dillo a 'sta gente Ca i' songo nu parente Ca nun 'o puo' caccia' Musica musicante Ca è bella ll'alleria I' mo ve cerco scusa a tuttuquante Si abballo e chiagno dint' 'a casa mia Mamma toja se ne more O ssaje ca mamma toja more e te chiamma Meglio si te 'mparave zappatore Ca o zappatore nun s"a scorda 'a mamma Te chiamma ancora "gioia" E arravugliata dint' 'o scialle niro Dice "mo torno core 'e mamma soia Se venne a piglia ll'urdemo suspiro" Chi so vuje mme guardate So' 'o pate i' songo 'o pate E nun mme po' caccia' So' nu faticatore E magno pane e pane Si zappo 'a terra chesto te fa onore Addenocchiate e vaseme 'sti mmane.