CHORUS:

Bawal magreklamo, kahit napapagod na

Bawal sumuko, kailangan ay kumayod pa

Bawal makita na nanghihina/

Kahit di na kaya ay kinakaya

Kahit masaktan,mahirapan, gagawa ng paraan para lang sa pamilya

1st Verse:

Kamusta? simpleng salita

Pero bibihirang marinig sa kanila

Siguro kala nga nila ay di ka nagigiba

Wala kasing nagbago, walang nagiiba

Walang nagtatanong kung okay ka lang ba

Dahil laging malakas ka sa paningin nila/

Hindi ka nila pwede na makitang malungkot

Kahit parang puputok o sasabog ang loob-

Dahil sa dami ng bitbit, mga karga at naka-atang sa balikat

Kung pwede lang/ yung ibang bigat sana malipat

Sobrang sakit kapag yung hirap ay di nasipat

Tanggap naman na ang panalong to’y may kaakibat

Na bigat at responsibilidad

Maagang nabilad, nagbanat ng buto, natututo sa murang edad

Biyayang matuturing ang gantong abilidad

Kahit mahirap ay handang yakapin tong realidad

CHORUS:

Bawal magreklamo, kahit napapagod na

Bawal sumuko, kailangan ay kumayod pa

Bawal makita na nanghihina/

Kahit di na kaya ay kinakaya

Kahit masaktan,mahirapan, gagawa ng paraan para lang sa pamilya

2nd Verse:

Pamasahe, pagkain, renta sa bahay

Kuryente-tubig, at mga gamot ni nanay at tatay

Sa baon ni bunso sa skwela laging nakaalalay

Maging sa kapatid na tambay ay nakaagapay

Nasanay ding magbayad ng hindi ko hiniram

At sa tuwing may kailangan ay don lang may paramdam

Kaso pag may di naibigay magagawa pang magdadam

Kung alam nyo lang handa akong gumapang wag lang kumalam

Ang tiyan matiyak ko lang na masaya kayo

Kahit may sakit man o bagyo ay papasok ako

Marami na kong laban na hindi pinaalam

Wag lang makitang ako’y tao lang, mahinang nilalang

Na napapagod, nasasaktan, kung minsan gumuguho

Nauubos, kinakapos, puso ay dumudugo

Walang nakakita ng mga luhang tumutulo

At kayo ang dahilan kung bakit hindi sumusuko

CHORUS:

Bawal magreklamo, kahit napapagod na

Bawal sumuko, kailangan ay kumayod pa

Bawal makita na nanghihina/

Kahit di na kaya ay kinakaya

Kahit masaktan,mahirapan, gagawa ng paraan para lang sa pamilya

Bawal magreklamo, kahit napapagod na

Bawal sumuko, kailangan ay kumayod pa

Bawal makita na nanghihina/

Kahit di na kaya ay kinakaya

Kahit masaktan,mahirapan, gagawa ng paraan para lang sa pamilya