Aa Mens!

Onse milde God van alles wat soet en mooi is

Laat U naam altyd in ons geberg bly en daarom heilig

Laat die Republiek tog nou reeds kom

Laat ander hul wil verskiet

Geskiet, geskiet

Sodat ons ook 'n sê mag hê

'n Sê soos die see

Wat om die kuste van ons hemelse Stilberge lê

Gee dat ons vandag ons daaglikse brood mag verdien

En die botter, die konfyt, die wyn, die stilte

Die stilte van wyn

En lei ons in versoeking van velerlei aard

Sodat die liefde van lyf na lyf kan spring

Soos die vlammetjies van is, is, van berg na berg

Braambosse van vuur tot aan die witste maan bring

Maar laat ons, ons verlos van die bose

Dat ons af kan reken met die skuld van eeue

Se opgebergde uitbuiting, se geroof, se verneuke

En die laaste rykman vrek aan sy geld vergif

Want aan ons beoort die menseryk

Die krag en die heerlikheid

Van nou af tot in alle ewigheid

Net so ewig soos die skadu's en grensposte van die mens

As hy goddelik die aarde uit die hemel skeur

Aa mens, aa mens

Aa mens, aa mens, mens