ក្អែកបូល

លលកគ្រាំងយំត្រូល បងអ្ហើយលក្អែកបូលឡូវឡូវ

លលកគ្រាំងយំត្រូល បងអ្ហើយលក្អែកបូលឡូវឡូវ

ព្រោះតែគំនិតឪ ឱ្យកូនមានប្តីក្បាលទំពែក

ឱ! ណាណា ក្អែកណា! ឱ្យកូនមានប្តីក្បាលទំពែក

កូនមុនបានជាស៊យ ចាំដល់កូនក្រោយ ឱ្យវាប្រកែក

កូនមុនបានជាស៊យ ចាំដល់កូនក្រោយ ឱ្យវាប្រកែក

ឱ្យកូនមានប្តីក្បាលទំពែក ពីព្រោះគំនិតឪវា

ឱ! ណាណា ក្អែកណា! ពីព្រោះគំនិតឪវា

ម៉ែមីនាងកុំថាអញ្ចឹង ប្រយ័ត្នតែបងខឹងខ្លួនបងនឹងថា

ម៉ែមីនាងកុំថាអញ្ចឹង ប្រយ័ត្នតែបងខឹងខ្លួនបងនឹងថា

តាមបុរាណលោកបានផ្តាំថា

អ្នកណាក្បលាទំពែក ចំណាំតែគ្រូសូត្រ

ឱ! ណាណា ក្អែកណា! ក្បាលទំពែកចំណាំតែគ្រូសូត្រ

បើទំពែកក៏ទំពែកចុះ ឱ្យបានតែចិត្តវាស្លូតបូត

បើទំពែកក៏ទំពែកចុះ ឱ្យបានតែចិត្តវាស្លូតបូត

មួយថ្ងៃយកប្តីលោកគ្រូសូត្រ សោះនឿយបូតចៃសង្កូវដែរ

ឱ! ណាណា ក្អែកណា! សោះនឿយបូតចៃសង្កូវដែរ

ឪមីនាងកុំថាអញ្ចឹង ចាំមើលយប់ហ្នឹងខ្ញុំធ្វើតាប៉ែ

ឪមីនាងកុំថាអញ្ចឹង ចាំមើលយប់ហ្នឹងខ្ញុំធ្វើតាប៉ែ

ធ្វើបីផើងមិនឱ្យស៊ីទេ ពីព្រោះគំនិតគាត់ឯងអញ្ចឹង

ឱ! ណាណា ខែកណា! ពីព្រោះគំនិតគាត់ឯងអញ្ចឹង

ម៉ែមីនាងមិនឱ្យបងស៊ី បងឥតមានប្រកាន់ខឹង

ម៉ែមីនាងមិនឱ្យបងស៊ី បងឥតមានប្រកាន់ខឹង

ចាំមើលវេលាពេលយប់ហ្នឹង បងមិនឱ្យស៊ីនំអន្សមជ្រូក

ឱ! ណាណា ក្អែកណា! បងមិនឱ្យស៊ីនំអន្សមជ្រូក

ឪមីនាងមិនឱ្យខ្ញុំស៊ី ខ្ញុំក៏មិនខ្ចីយកដៃទៅលូក

ឪមីនាងមិនឱ្យខ្ញុំស៊ី ខ្ញុំក៏មិនខ្ចីយកដៃទៅលូក

ប្រយ័ត្នខ្ញុំចំហុយអាកោរ ឡើងប៉ុនតាឡោក

អ្នកណាមកឈ្ងោក ឃើញមិនបាន

ឱ! ណាណា ក្អែកណា! អ្នកណាមកឈ្ងោកឃើញមិនបាន

ម៉ែមីនាងចំហុយអាកោរ កុំដាក់នឹងពែក ឯងដាក់នឹងចាន

ម៉ែមីនាងចំហុយអាកោរ កុំដាក់នឹងពែក ឯងដាក់នឹងចាន

អាកោរឯងឡើងស្មើរមាណ អាណិតដាស់បងឱ្យស៊ីផង

ឱ! ណាណា ក្អែកណា! ចុះអាណិតដាស់បងឱ្យស៊ីផង

ប្រុសអីប្រុសចង្រៃ ខឹងឡើងអាងវ័ធនឹងដំបង

ប្រុសអីប្រុសចង្រៃ ខឹងឡើងអាងវ័ធនឹងដំបង

ច្រើនគ្រាច្រើនដង នៅតែជៀសខ្ញុំមិនរួច

ឱ! ណាណា ក្អែកណា! នៅតែជៀសខ្ញុំមិនរួច

បើចង់ឱ្យបងជៀស ទាល់តែទៅនៅវាលស្រីដួច

បើចង់ឱ្យបងជៀស ទាល់តែទៅនៅវាលស្រីដួច

អ្នកណាជៀងឯងហ្នឹងរួច បើខួចចិត្តគ្នាម្លឹងម្លឹង

ឱ! ណាណា ក្អែកណា! ចុះបើខួចចិត្តគ្នាម្លឹងម្លឹង