نطلب لقا

نطلب لقا من نفسٍ بخيل

نطلب رضا ما نطلب المال

روّح عسا دربك تساهيل

و الحين لا تنشد و لاتسال

نلت التجني ف المحاصيل

و ميلت يوم الوقت بك مال

الي بقا بس المراسيل

و نيتك تبغي قطع لرسال

يا راعي العكش المكاحيل

في عشرتك خادع و حيال

هم النهار يواصل الليل

و الصبح همه متعب الحال

تميت لا قوه و لا حيل

و انا معه نازل و رحال

يالله عساني في المقابيل

تغيير حال و ينشرح بال

اذكر يديل بلا تواصيل

الي على لمتان نشال

يكسيه لو ما يلبس الشيل

و الجيد مثل البرق شعّال

و خدود ك ورد المخاميل

و شفن يشافن عوق لعلال

و الصدر زمنه مزاعيل

ما بينهن ميدان خيال

خشف رعى قفر المساييل

لي مرتعه في عالي تلال