Songtexte
حصُلت ودخّلتك للدار
وحلّيت خزانةْ لشعار
نلقى الخزانة مفروتة
وحروفي ليمين يسار
حشمت وخَزرِتلك عينيا
تنفضو بيا حيوط الدار
بالغصرة حمارت خديا
وفي جاشي شعلت النار
قلت نشهّد قلبي عليا
قلبي زاد عمل العار
لقيتو يشطح ويغنيلك
رساتلي شديتلو الطار
حصلت ودخلتك ووفيت
ومابين ضلوعي تخبيت
فرطتو وجَنّح في سدري
تهزيت وزدت تحطيت
في البطحة قدام الدار
واحنا فيها ولاد صغار
ويا حسرة كيف كنا صغار
نخطف البوسة من خدك
نزرعها فمحبس بلار
نبنيلك خِيمة بشوالق
نربطها فشباك الجار
نركز شاشية على راسي
ونضفرلك تاج النوار
نكرديلك بشكوطو صبة
وحلوى حرابش مالعطار
وفي البطحة نعملك حفلة
انا وقلبي جهار بهار
ونشطح ونزيد نغنيلك
وأنت الي تضربلي الطار
Written by: Mehdi Ayechi
