Сәулем-ай

Аяғыма кигенім былғары етік, сәулем-ай,

Табанымнан барады ызғар өтіп, сәулем-ай.

Табанымнан барады ызғар өтіп, сәулем-ай.

Жақсы болсаң, келерсің судан өтіп, сәулем-ай,

Жаман болсаң, қаларсың суға кетіп, сәулем-ай.

Жаман болсаң, қаларсың суға кетіп, сәулем-ай.

Ағынан да алманың көгі жақсы, сәулем-ай,

Барынан да жаманның жоғы жақсы, сәулем-ай.

Бір сөз айтсаң жаманға, теріс қарар, сәулем-ай,

Қорғасындай балқыған қайран жақсым, сәулем-ай

Қорғасындай балқыған қайран жақсым, сәулем-ай

 

Ахоу

Сәулем, сәулем, сәулемсің,

Басымдағы дәуренсің.

Жақсы болсаң – сәулемсің,

Жаман болсаң – әуремсің.

Сәулем, сәулем, сәулемсің,

Басымдағы дәуренсің.

Жақсы болсаң – сәулемсің,

Жаман болсаң – әуремсің.