خلها على الله

خلها على الله دامني ماخبرتك

تتركني ودمعي من البعد منثور

على الفراق اللي كذا ماشكرتك

ليل وشتاء وذكرى وهاجر ومهجور

عن الوله والشوق لامن ذكرتك

وش لون ابشرح لك عن الشوق بسطور

من كثر حبك في ضلوعي قبرتك

رغم ان ماني من مفارقك مسرور

تراك مثل الحور عين اعتبرتك

لو الحياة الفانيه مابها حور

من حسنك الطاغي تراني عذرتك

ياللي غيابك ظلمه وجيتك نور

ياطيّب الذكرى وياعذب الاسلوب

قرب ووصلك طالبك لاتمنّه

ياماخذاً قلبي وياسارق قلوب

البعد عنك نار والقرب جنه

وجهك خلقه الله حالي ومحبوب

من يلمحه ماقال كنه وكنه

كل البشر في صوب ولا انت في صوب

ومن قال غيره ماعليك انت منه

غير المواصل مانبي منك مطلوب

وش فيك تجفى قلبي وماتحنّه

وش لون تبغاني عن وصالك اتوب

وانت الوحيد اللي ماينتاب عنّه