កូនអាចារ្យញ៉ែប៉ះកូនមេឃុំ

(ប)ឱ នែ!អាម៉ុមៗបងសុំសួរនួនល្អង​តេីអូនដេីរទៅណា? (២ដង) ទៅវត្តមែនទេ​កន្និដ្ឋា​(៣ដង) កុំភ័យជីវា​ថារៀមរាជូនទៅ(២ដង)

(ប)បងអាណិតដល់នាង​អូនដេីរកាត់ភ្លៀង​ទឹកដក់តាមផ្លូវ(២ដង)ទៅវត្តចាំបងជូនទៅ​(៣ដង) តែសុំពាលពៅ​ថាចែកបុណ្យបងផង(២ដង)

(ស)អេ កូនគេក្រមុំ​ស្រែកសួរផ្អេីលភូមិ​ហៅអាម៉ុមៗបង(២ដង) ខ្លួនស្រីខ្មាសគេកន្លង​(៣ដង) ថាមិនដែលស្គាល់ម្ដង​ប្រុសព្រានស្នេហា(២ដង)

(ស)កាលជំនាន់ម៉ាក់ខ្ញុំ​តាដេញផ្អេីលភូមិ​មិនថាប្រុសណា(២ដង) កាំបិតគប់ឆិតៗស្មា(៣ដង) បេីមានប្រុសណាញ៉ែងញ៉ងម៉ាក់ស្រី(២ដង)

(ប)កាលជំនាន់ប៉ាបង​ទទាយំឆ្លង​កូតទ្រស្គរដៃ(២ដង) មេក្រូចងដងឫស្សី(៣ដង)​ម៉ាក់លង់សម្ដី​ដូចត្រូវមន្តអាគម (២ដង)

(ប)បងកូនលោកអាចារ្យ​ (ស)អូននេះវិញណា​កូនលោកមេឃុំ(២ដង)​

(ស)ប្រាប់ចុះនោះពុកម៉ែខ្ញុំ​(៣ដង) (ប)ជម្រាបសួរអ៊ំ​ អូយភ័យញ័រសាច់(២ដង)