Sandali na lang

At matatapos na ang pelikula't--

Mapupuno ng luha ang mga mata

Sandali na lang

At ang lahat ng ito ay memorya na lang

Aking kaibigan, ako sana’y hindi malimutan

Darating ang araw na ramdam mong may hanggan

Di maiiwasan, oras ay sadyang ganyan

Alaala ng kahapon na ating inaasam;

Di na mauulit pa at hindi na mababalikan

Sandali na lang

At susubukan ko nang harapin

Ang katotohanan na hindi lahat ay nandiyan para magtagal

Kahit may hangganan kung pupuwedeng magtawagan

Di na magaalinlangan buksan ang aking pintuan

Balikan ating tagpuan, simulan na ang kwentuhang magdamagan

Nang malaman na hindi nagtatapos sa paalam

Ang tunay na pagsasama

Bawat segundo, bawat minuto, laging iniisip kita

Bawat litrato, bawat kanto, umaasang maibabalik pa

Bawat segundo, bawat minuto, laging iniisip kita

Bawat litrato, bawat kuwento, alam kong magkikita pa

Oh

Bawat segundo, bawat minuto (Sandali na lang)

Laging iniisip kita (At matatapos na ang pelikula)

Bawat litrato, bawat kuwento, alam kong magkikita pa (Mapupuno ng luha ang mga mata)