黃昏思鄉

千里遙遠城市 黃昏日頭紅支支

故鄉的山崙景緻不時在目

叫我想起離開彼時情難離

可愛笑微微 可愛笑微微

心愛的伴侶乎我思念伊

春天百花照開 山崙鳥隻唸歌詩

心愛的彼個姑娘怎樣過日子

講要寫批乎我知影伊代誌

不知為什麼不知為什麼

已經過一年乎我思念伊

叫伊可愛名字 向著故鄉彼平天

只有是山坑一片回聲帶稀微

引我心酸又擱感覺無元氣

黃昏山崙邊 黃昏山崙邊

孤單感傷悲乎我思念伊