حكاية المراية

مابقاش ينفع نخبي سري عليك يا مرايتي يا لي شفت دموعي انا فيك يمكن تبدلت و بالشكل لي يرضيك جيت اليوم ونتي لي قولي كيف كنجيك عارفة شكون غير من ملامحي خليني نتصرف بلا ما تقتارحي طلبك مرفوض وما غنخليك تسامحي روحي مجروحة وما زال نقولها كافحي و باقا جراحي باينة قد ما هي غارقة تألمت كتير وباقا مع نفسي صادقة نويت الخير فالغير و الصدمة كانت حارقة قلت معليش يمكن القلوب مفارقة جا الوقت لي الحيوط تبكي و منبكيش حان الأوان تقوليلي دمعي و منبغيش قولي شكون عاودتي عليا و معرفنيش و شاف جبال الريف و متفكرنيش فيك نشوف يا مراية سنين فاتو قولي أنتي اشنو كاتشوفي في انبض قلبي لحكاية بدقاته واش اسمعتيه أولًا ما حسيتي بيا (المقطع الثاني) راني مشيت بين الوديان وبالليل تونست وسط الغابة معا الدياب جريت وماحبست عزفت نوطات حزينة ملي وحيدة گلست قلت كلامي بعيوني وبالرموش همست قدامك يا مراية فراسي نشوف تستناي مني فوقاش بالسر نبوح إنسانة رهيفة خالية من الخوف لكن معتارفة بللي القلب مجروح ف الماضي ديالي ذكريات وحكايات قصص كثيرة كل وحدة كفاش بدات قلبي بغاو يقتلوه وباقي ماماتش وجناحي جرحوه والريشة بالدم بكات مضرورة و ادا سقساو كننفي نشعل شموع التيقة وريح الخيانة يطفي حكيت غير شوية من الهم اللي مخفي واش نزيد يا مرايا اولا لي قلت يكفي!