កូឡាបអូនស្នេហ៍

កុលាបស្រស់ម្ល៉េះណា

ឱ្យចិន្ដាប៉ងស្ម័គ្រ

រាល់ថ្ងៃយល់តែភក្រ្ដ

ជំពាក់ចិត្តស្នេហ៍មេត្រី

ផ្កាក្រអូបម្ល៉េះណា

មេត្តាវាចាប្រាប់មកណាថ្លៃ

ព្រោះអូនលួចបេតី

ភក្ដីស្នេហ៍ស្នង

នៅរាល់ពេលរាត្រី

អូនស្រមៃឃើញភក្រ្ដ

ស្រមៃឃើញរូបអ្នក

រួមរក្សវាចាសាសង

អូនរង់ចាំគ្រប់គ្រា

រៀមរ៉ាមេត្តាអាសូរស្រីផង

ជាតិនេះមានបំណង

ប៉ុនប៉ងតែមួយ

កុលាបស្នេហ៍ អូនថែរាល់ថ្ងៃ

ចិត្តស្មោះពិតមិនប្រែពីរបី

ប្រុសថ្លៃកុំព្រួយ

ស្នេហ៍អូនទុក ជូនតែបងមួយ

អូនប្រាថ្នាជាតិនេះជាតិក្រោយ

ជួបតែរៀមរ៉ា

ឃើញភក្រ្ដបងញញឹម

អូនសង្ឃឹមក្នុងចិត្ត

ថាបងស្នេហ៍អូនពិត

ឥតប្រែពីអូនឡើយណា

ពេលនេះមានរស្មី

ដោយសារចិត្តប្រុសមានក្ដីមេត្តា

ជីវិតមានខ្លឹមសារ

ក្នុងស្នេហ៍សុខសាន្ដ

កុលាបមាសអូនអើយ

ឆ្លើយប្រាប់មកអូនថា

ប្រុសពិតជាមេត្តា

ស្នេហាស្មោះអស់ពីប្រាណ

យើងមានចិត្តតែមួយ

ឥតរោយដូចផ្កា គេបោះបង់បាន

ស្នេហ៍លុះគ្រាអវសាន

ឥតមានហ្មងឡើយ

ស្នេហ៍លុះគ្រា អវសាន

ឥតមាន ហ្មងឡើយ