يارهيف القلب

لي حول شهرين والضيقه هي الضيقه

والخاطر اللي أخبره سمح متكدر

من واقعن عشت فيه وصعب تصديقه

ما يجعل الضيق ياتي عجل ومبدر

أحياناً لخاطرك تحتاج ترويقه

لو ما تمنيت معها شاهي مخدر

تحتاج غروٍ تذوق الشهد من ريقه

غرون تورد معه بالشوق وتصدر

محبةٍ صادقه ماهي بتلفيقه

متبادله والمشاعر تعتبر ندر

والحلم لا صار ما تسعى لتحقيقه

وتحققه وانت متفوق ومتصدر

وتحققه وانت متفوق ومتصدر

بعض المحبه لبعض الناس توهيقه

جلمود جا من علو الجال متحدر

يا رهيّف القلب حزني منك ما طيقه

على المواصل طلبتك يا الغلا بدّر

والطف بجسمٍ نحل وامراضه تعيقه

ماهو بحاجة علاج وإبرة مخدر

علاجه انت ودوا القلب ومعاليقه

وتعالج الخاطر اللي كان متكدر

لو يكتب الوقت حظي معك توفيقه

كان اعتزلت البشر لعيونك الخدر

كان اعتزلت البشر لعيونك الخدر