สังขารบ่เที่ยง

อ๋าวฮานี่... อี๋ฮีน้าว... ยาวไปหน้า หาแนวมาต่อเด้น้อพี่น้องเอย เอิงเอย เอิงเอย เอิงเอย ล่ะเอ่อเออ

เอิงเอย ยังบ่พอน้อล่ะแม่นเด้อป้า มาย้อนฮ๊อนแอว เฒ่าแต่แข่ว แอวอย่าเสียหาย โยกไป ส่ายมา

เด้งขวา รัวซ้าย อย่าฟ้าวย้าย หายไปมิดหมี่ ยังมีอีกมาก หลายหลากเรื่องลำ

บ่ได้ซ้ำคำเก่าเขาเด้อ นำมาเสนอศรัทธาญาท่าน

งานใหญ่น้อยคอยคองน้องพี่ น้องพี่ น้องพี่ ยินดีรับใช้ หลายหน่อยซ่อยกัน…

สุขสันต์ สำราญเต็มที่ สุขสันต์ล่ะให้มันเต็มที่ ขอเชิญน้องพี่สรวลเส เฮฮา อย่ามัวนั่งเหงาเศร้าซึม

ลืม ๆ มันไป เรื่องร้ายนานา เอาความสุขสันต์หรรษา

เอาความสุขสันต์หรรษา ต่อเติมชีวา ให้มีค่าตลอดไป... เด้อนายเดอ เด๋อเด๋อ นายเดอ

ในโลกนี่ บ่มีผู้ได๋รอดได้ดอกแม่ ดอกแม่ ดอกแม่ ถืกเขาแจ๊ น้อล่ะเอาไปถิ่ม นอนยิ้มอยู่เมรุ

บ่หลีกเว้นสูงต่ำดำขาว ยาวใหญ่ชายหญิง ชิ่งหนีบ่พ้น จนรวยก็มรณาคือเก่า คือเก่า คือเก่า ผู้หนุ่ม

ผู้เฒ่า เผาถิ่มซุคน แม่นสิหม่นหรือก่นดินหนี ลี้อยู่ฮูได๋ หลีกไปบ่พ้น แล่นนำก้นเวียนวนจนเบื่อ

เฟืออยู่ซุมื้อ ตามตื้อซุยาม แม่นเลิศล้ำหรือต่ำติดดิน ชีวินอินทรีย์ร่วงโรย ลาร้าง บ่เหลือค้างอิหยัง

ดอกแม่ ดอกแม่ ดอกแม่ ยังตั้งแต่น้อล่ะแม่นซื่อแซ่ แค่นี่ล่ะนอ บ่ฮอดร้อยอายุคนเฮา บ่เผากะฝัง

ร่างปลงลงพื้น ยืนฮอดร้อยหน่อยเด้ออิพ่อ ในโลกจ่อว่อ มีก็บ่หลาย บัดสุดท้ายกะวายวาง

ว่างเปล่า ว่างเปล่า ว่างเปล่า ถืกจี่เผาน้อล่ะเขาเอาดูกใส่ธาตุอัฐิ แต่กะมีอยู่บ้าง ฝังร่างลงดิน

แล้วแต่ถิ่นไผมัน ต่างกันวันนั่น สิ่งสำคัญวันนี่ ให้อยู่ดีมีแฮง ให้อยู่แดงมีฮี สำบายดีมีแต่ม่วนเด้อนายเดอ เด๋อเด๋อ

นายเดอ ขอเชิญชวนน้อล่ะแม่นพี่น้อง มาฟังร้องพ่องลำ บ่มีผู้อยู่ค้ำฟ้าดอกคนเฮา คันบ่เผากะฝังสังขารบ่เที่ยง

เหลือแต่เพียงนามไว้ ให้ผู้คนได้จำจื่อว่าไผดี ขี่ดื้อ หรือชั่วกว่าเขา พี่น้องอย่าสะฟ้าว

เว่าว่าหยังเด้อ คันแม่นเผอเรอไป

อภัยผมด้วย ซ่อยอำนวยอวยให้ เถิงจุดหมายปลายทางนำเขาบ้างแหน่เด้อพ่อ

เอิงเอย เอิงเอย เอิงเอย ล่ะเอ่อเออ เอิงเอย พอได้นำน้อล่ะแม่นคำเค้า มาเว่าสู่ฟัง คันบ่มี

ผู้จ้าง เหินห่าง จางหาย คงบืนไปบ่ไหว ใจฝ่อพอแล้ว แนวว่าคนโข่โหล่

บ่มีหยังมาโชว์ อวดโอ้คือหมู่ เอิงเอย เอิงเอย เอิงเอย ล่ะเอ่อเออ เอิงเอย เลยบ่มีน้อล่ะแม่นผู้ฮู้ว่าอยู่ก้ำแก่วได๋ ขอฝากพี่น้องไว้

นำแหน่จักคน บนถนนสายลำ ให้ย่างนำแหน่เด้อท่าน เพื่อสืบสานงานไว้คู่แผ่นดินไทย

ไปหน้าหวั๊ง ๆ ฝากความหวังไว้นำพี่น้อง พี่น้องเด้อ พี่น้อง พี่น้อง ซ่อยยอย๊องไว้แหน่เด้อ

อย่าเผลอลืมไล หนีไป ไกลห่าง จั่งได๋กะซาง อย่าฟ้าวซังหนังหน้า ขอความเมตตาแหน่เด้อ แหน่เด้อท่าน...