ផ្ការីកបាំងស្លឹក

ផ្ការីកបាំងស្លឹក អឺយ មេនាងអូនអើយ! ព្រឹកម៉ោងប្រាំបី

មែនហើយ

ផ្កាដុះលើដី អើយមេនាងស្រីអើយ! ក្លិនក្រអូបឈ្ងប់

រីកពីព្រលឹម ទៅទល់ព្រលប់

ក្រអូបដល់យប់ ក្លិនជាប់នាសា

ថាមែនឬទេ?

ថាមែនហើយបង

ថាមែនឬទេ?

ថាមែនហើយបង

អ្នកផងប៉ងបេះ អ្នកប្រុសបងអើយ! វិះតែនឹងដាច់

មែនហើយ

មានគេចង់កាច់ អឺ អ្នកប្រុសបងអើយ! កាច់ឥតមេត្តា

ខ្លួនគេតែមួយ ប្រុសច្រើនប្រាថ្នា

អ្នកមានវាសនា ទើបបានចូលកាច់

ថាមែនឬទេ?

ថាមែនហើយអូន

ថាមែនឬទេ?

ថាមែនហើយអូន

ស្លឹកមានបន្លា នែព្រលឹងបងអើយ! ការពារដៃប្រុស

មែនហើយ

គោមានប្រឡុស នែព្រលឹងបងអើយ! គង់អីនឹងដាច់

រំចេកក្រអូប ប្រហើរជាប់សាច់

ម្ចាស់ផ្កាសម្រេច ឱ្យទៅប្រុសណា

ឆ្លើយមកព្រលឹង

ថាមិនដឹង ទេបង

ឆ្លើយមកព្រលឹង

ថាមិនដឹង ទេបង

ប្រហែលប្រុសខ្ញុំ ក្រមុំអូនអើយ! សូមកាច់បានទេ

ទេ! ទេ!

បើផ្កាទំនេរ នែព្រលឹងបងអើយ! សូមអូនមេត្តា

បើស្រឡាញ់អូន ចូលដល់មេបា

បង្គាប់យ៉ាងណា ក៏បងតាមអូន

ព្រមហើយឬនៅ?

ថាអូនព្រមហើយបង

ព្រមហើយឬនៅ?

ថាអូនព្រមហើយបង