Sonä Bärgler wiän ich
Isch mi Vater scho gsi
Är isch oppsi am Seil
Über Fels, über Iis
Wirds miär hiä mängisch zviel
Muäss i au ufä gah
Und dä luägi vom Gipfel Bis apä is Tal
Und dä luägi vom Gipfel Bis apä is Tal
All das Ghetz und das Gläuf
Allä Trug, allä Schiin
All diä Sorgä vodr Wält
Wärdid hiä winzig chlii
Und i bättä für all
Wo s nüd so guät chönd ha
Und dä luägi vom Gipfel Bis apä is Tal
Und dä luägi vom Gipfel Bis apä is Tal
Irgendäisch chund dr Tag
Wo miär all wärdid gah
Wänn die Zyt dä isch cho
Und ich üch muäss verlah
Müänd nüd truurä um mich
Ich bi immer nu da
Und dä luägi vom Gipfel Bis apä is Tal
Und dä luägi vom Gipfel Bis apä is Tal
