Вăйăра

Сар хĕвел вылять шевлипе

Хăй ăшшине сапалать.

Тÿпери тăри юррийĕ

Чун-чĕрене тыткăнлать.

Сар хĕрсем вăййа тухсан-ши,

Вăйă илемĕ килет.

Чун савнипе тĕл пулсан-ши,

Каччăн чунĕ çемçелет.

Айтăр, туссем вăй пуçлар-и

Карталанса юрлар-и?!

Тус-тăвансем, пĕр пулар-и,

Ĕмĕр пĕрле пурнар-и?!

 

Тус-тăван пуçтарăнсан-ши

Манăн кăмăл çĕкленет.

Сăн-питре кулă çиçсен-ши,

Тунсăх туйăм сирĕлет.

Хут-купăс тăсса ярсан-ши,

Чĕререн юрлас килет.

Çепĕç çемĕ янрасан-ши,

Кăмăлтан ташлас килет.

 

Айтăр, туссем, вăййа тухар

Алла аллăн тытăнар!

Пурте пĕрле пуçтарăнса

Харăс тăрса юр юрлар!

Айтăр, туссем, вăййа тухар,

Карталанса таш ташлар!

Тус-тăвансем, пĕрле пулар,

Ĕмĕр пĕрле пурăнар.