ليه الفراق

صار الفراق ،، آخر لقا

 في ساحه العشاق

ياصاحبي شاللي بقا

حب وسهر وافراق

القلب منك ما قوى ،، ليه القساوه ياهوى

يالجادل المزيون

ليه الفراق ،، ليه الفراق ،، يا سيد العشاق .

صابر على كل الاسى

متصبر ومهموم

يمكن حبيبي لو نسى

يذكر حبيبه يوم

الليل لاهب النسيم ،، جدد علي جرحٍ قديم

يا سرّي المكنون

ليه الفراق ،، ليه الفراق ،، يا سيد العشاق .

ورد التلاقي لو ذبل

هذي مراحل موت

اسبح بحر واصعد جبل

فيني صدا ،، يا صووت

اسمع من الماضي صدا ،، بديت منه وابتدا

واصبحت به مجنون

ليه الفراق ،، ليه الفراق ،، يا سيد العشاق .

انا بقايا قصتي

تكتبني الاهات

العايشين بحصتي

صارو مثل الاموات

هذي الحقيقه يازمن ،، من وقتنا ندفع ثمن

خليتني مجنون

ليه الفراق ،، ليه الفراق ،، يا سيد العشاق .