Indung

Indung lembur panineungan

Wasilah medal munggaran

Alam nyanggap papasangan

Tangtu nu jadi ukuran..

ngampar leumah jajalanan..

Lampah hirup dilakonan

Kaasih indung marengan

Samping jangkung gelung jucung

Awak rengkung disebakeun

Sesa umur dianterkeun

Ngaguru ku kabodoan

Ikhlas eusi kapinteran

Ciduh meutu jajampean

Ajeg lampah dilakonan

Lemah ngamparkeun kaheman

nungtun lakuning kamelang

Panas ajaran ti beurang

Ngaguru ka poek peuting

Susuci ku cai ibun

pahing getih pahang tulang

Ayun ambing ayun ambing

ajeng tangtung hirup nanjung