ទោះជាបងក្រ

I.ទោះជាបងក្រគ្មានផ្ទះថ្មឡានល្អដូចគេ ក៏អូនមិនស្តាយក្រោយទេ ជ្រើសមាសមេជាស្វាមីអូន មិនខ្មាសអ្នកណាសើចចំអកពេបជ្រាយឡើយស្ងួន សំខាន់ឱ្យតែនឹមនួនស្រឡាញ់អូនកុំប្រួលប្រែ

II.ផ្ទះថ្មផ្ទះស្បូវលត់ភ្លើងទៅងងឹតដូចគ្នា កុំខ្វល់ពាក្យគេនិន្ទា ស៊ូនឹងគ្នាណាប្រុសមាសស្នេហ៍ ចងក្បូនស្នេហា បងនឹងអូនឱ្យនៅឋិតឋេរ ទ្រព្យសម្បត្តិក្រោយទេ សំខាន់តែចិត្តស្នេហ៍ភក្តី

R.ស៊ូឡើងណាប្តី កាន់ដៃគ្នាដើរទៅមុខ ទោះជួបសុខឬក៏ទុក្ខ បងមានអូនក្បែរណាថ្លៃ កុំអស់សង្ឃឹម ញញឹមដើម្បីរូបស្រី ប្តីសំណព្វត្រួយហទ័យ ថ្លើមថ្លៃនៃជីវិតអូន

III.ទោះមាសប៉ុនភ្នំ លើកឱ្យខ្ញុំក៏មិនដូរដែរ មិនអាចមកប្រៀបបងទេ បង្អែកដ៏កក់ក្តៅនៃអូន ជាម្លប់ត្រជាក់ ជាកម្លាំងចិត្តនៃបេះដូង តរៀងដរាបដល់កូន ណាស្វាមីសំណព្វចិត្ត