Ook maar net mens

Dis die reuk van die reën op die grondpad my kind

Dis die sing van 'n lied wat ons bymekaar bring

Oorwinnings en terugslae die ken ons te goed

Bring die donders en storms niks breek onse moed, o ja

Ons val op ons knieë ja, want daar lê die seën

Kannie dood gegrafeer in ons murg en ons been

Waarheen vra jy my is ons helde dan heen

Dit help nie jy gaan soek in die verlede meneer, o ja

Ook maar net man, ook maar net mens

Kerf al my kwale uit met 'n houtsteelknipmes

Gee my 'n man wat sê wat waar is

As die duiwel ook daar is

Gee ons 'n held wat doen wat reg is

As die regter ook weg is

Here gee ons iemand

Wat trou by sy gewete bly

As hy straf in pleks van beloning kry

Vingers wys gaan ons nêrens bring

Dis die een in die spieël wat jou terughou my vrind

Oog vir 'n oog maak die wêreld blind

Jy moet eers vrede in jouself kan vind, o ja

Ook maar net man, ook maar net mens

Kerf al my kwale uit met 'n houtsteelknipmes

Gee my 'n man wat sê wat waar is

As die duiwel ook daar is

Gee ons 'n held wat doen wat reg is

As die regter ook weg is

Here gee ons iemand

Wat trou by sy gewete bly

As hy straf in pleks van beloning kry

En Kaptein, kaptein, waarheen het al die helde verdwyn?

Generaal, o generaal dis tyd dat ons die helde gaan haal

Gee my 'n man wat sê wat waar is

As die duiwel ook daar is

Gee ons 'n held wat doen wat reg is

As die regter ook weg is

Here gee ons iemand

Wat trou by sy gewete bly

As hy straf in pleks van beloning kry

As ons straf in pleks van beloning kry