Sospitati dat egrotos

Sospitati dat egrotos precum Thome fusio.

Comes pius mox languentum adest in presidio.

Relevantur ab infirmis infirmi suffragio,

Sancti Thome quod monstrantur signorum indicio.

Vas regale trucidatur regni pro remedio.

O quam probat sanctum ducem morborum curatio!

Ergo laudes Thome sancto canamus cum gaudio;

Nam devote poscens illum statim, procul dubio,

Sospes regreditur.