និស្ស័យ

និស្ស័យបណ្តាលឲ្យបងបានជួបស្រី

បានយល់ន័យក្តីស្នេហា

អូនជាមនុស្សម្នាក់ដែលបេះដូងនេះប្រថ្នា

ចង់ផ្ញើសង្ខាលើចរណៃ

និស្ស័យបណ្តាលឲ្យយើងបានជួបគ្នា

អាពាហ៍ពិពាហ៍ជាសក្ខីស្នេហ៍

បងពិតមានសំណាងបានអូនរួមរស់ក្បែរ

មិនត្រូវការអ្វីទេជាតិនេះ

ក្តីស្រឡាញ់ដែលបងមានចំពោះអូន

គ្មានថ្ងៃសាបសូន្យទេជីវ៉ា

អរគុណដែលផ្តល់ក្តីស្នេហ៍ឲ្យថែរក្សា

សន្យាថាស្នេហ៍តែស្រី

ពីថ្ងៃនេះទៅសូមពៅកុំបារម្មណ៍

ស្នេហ៍បងចំពោះមុំមិនប្រួលប្រែ

នឹងសាងគ្រួសារបង្កើតអនុស្សារស្នេហ៍

កាន់ដៃមាសមេលុះចាស់កោងខ្នង

ទោះមានឧបសគ្គអ្វីក៏មិនបែរខ្នង

ព្រោះបងមានអូននៅក្បែរ

ជីវិតមួយនេះមានសេចក្តីសុខម្លេះទេ

បានមាសមេរួមរស់កៀកកើយ

បេះដូងអូនគឺជាកម្មសិទ្ធរបស់បង

ជីវិតបងជារបស់ស្ងួន

រក្សារក្តីស្នេហ៍ដរាបជីវិតនេះសូន្យ

សូមអូនជឿចិត្តបងចុះ