Lehja

ایک شہر ہے ایسا جو آزاد نہیں

مگر غرور اس کا اتنا کہ کچھ احساس نہیں

کوئی اک پرچھائی باہر دریا پہ رہتی

نام جس کا لہجہ، وہ جو ٹیڑھی

لہجہ، جو ٹیڑھی

لہجہ، اک غلطی

جس دن وہ پیدا ہوئی

لہجہ کے لبوں پہ وہ زباں ممنوع بیٹھی تھی

جس کے سُر، جس کی لَے نے خدا کو ڈرایا

شہر والوں نے اسے کنارے بیٹھایا

شمس و قمر نے بھی آنکھیں پھیر لیں

اور لہجہ کے لبوں کو سب نے سلوا لیا

تب سے ساری راہیں بند

چھوٹی ہو گئی دنیا لہجہ کی

ندی کے پانی نے اسے پالا

اور دور سے پہاڑوں نے بھی

لہجہ گن گنا، گن گناتی رہی

اس کے شب و روز گزرے افق کو دیکھتے

شہر اسیری میں رہا، پر دھیرے سے

لہجہ کے لبوں نے غلامی توڑ دی

توڑ دی، توڑ دی، توڑ دی

اس کی سہیلیاں

ایک بھولا ہوا سوکھا فوارہ

گھٹائیں، کالے پنچھی

اور شہر سے اک دھیمی سی اذاں

لہجہ، سب سے عجیب

لہجہ، سب سے غریب

اب روتی نہیں

ہے جانتی کہ بولنے کے طریقے بہت ہیں

زباں اس کی زہریلی سنہری ہو گئی

تم بھی شہر والوں کو بھول جاؤ

(آزادی!)