ផ្ទះបងសង់ អូនសាងស្នេហ៍ថ្មី

១ ញើសបងហូរស្រក់ ខ្លួនស្អុយកខ្វក់ប្រឡាក់ដីខ្សាច់

ការងារមិនបានសម្រេច ព្រោះតែបងជាកម្មករគេ

ធ្វើការសំណង់ ហត់នឿយខ្លាំងមិនត្អូញត្អែរទេ

ប្រឹងប្រែងគ្មានពេលទំនេរ សន្សំប្រាក់ខែផ្ញើឲ្យនួនល្អង ។

២ ផ្ទះបងខំសាង ទុកជាវិមានទ្រនំស្នេហា

ឥឡូវរូបស្រស់ជីវ៉ា យកអ្នកថ្មីមកជំនួសបង

អូនភ្លេចអស់ហើយ សន្យាស្នេហ៍ស្បថស្បែកន្លង

មិនមានគេក្រៅពីបង ពេលនេះនួនល្អងអូនប្ដូរគ្រប់យ៉ាង។

R ញើសបងស្រក់ហូរ ព្រោះចង់ឲ្យអូនរស់ស្រួល

ទ្រូងបងឆេះឆួល ព្រោះតែស្នេហ៍គ្មានសំណាង

ស្រីក្បត់រូបបង យកគេដេញបងទៅម្ខាង

ពេលនេះបងយល់គ្រប់យ៉ាង បងក្លាយជាមនុស្សបាតផ្សារ។

៣ បងសង់ផ្ទះគេ គេចូលរស់នៅគ្រួសារសុខសាន្ត

លទ្ធផលបងវិញមិនស្មាន ការដ្ឋានថ្មីបែកគ្រួសារ

ឈឺចាប់ម្នាក់ឯង ឲ្យទៅយំប្រាប់អ្នកណា

អូនបំផ្លាញហើយជីវ៉ា សល់ស្នាមឈឺផ្សាអស់មួយជីវិត។

ច្រៀង [R]-[៣] ឡើងវិញ