Letra
[Intro]
Sud, ind'a stu core staje
Si' comm'e 'o sanghe ind'e vvene meje
[Verse 1]
D'o sud venimmo, 'o sud simmo crisciute
Ce sta chi ha dato ha dato e chi nunn'ha maje avuto
Chello che ammo passato, chello nun ce 'o scurdammo
'O tenimmo a mmente tutte juorne che campammo
[Verse 2]
Simmo 'e Napule, simmo 'e 'n atu munno
Addò fernesce 'o bene e s' accumencia a scava' 'o funno
Scavalo cchiu' bbuono, scavalo cchiù mmeglio
E po' ccapisci pecché stammo mmiezo 'e 'mbruoglie
[Verse 3]
Nord e sud, a llevante e a punente
Chi ce cumanna è sempe stato malamente
Francischiello, Vittorio e Garibaldi
Avota e ggira hanno 'nguaiato a tutte quanti
[Verse 4]
S'hanno spartute terra, uommene e denare
Rre, possidenti, bbarune e industriali
S'hanno spartute terra, uommene e denare
E nuje ammo fatto tutte quanti 'o sanghe amaro
[Chorus]
Sudd! m'abbrucia a capa, m'abbrucia a capa
M'abbrucia 'a fronte
Co' chello che aggio visto mme m'abbrucia 'a fronte
M'abbrucia a capa, m'abbrucia a capa, m'abbrucia 'a fronte, fronte, fronte
Sudd! m'abbrucia a capa, m'abbrucia a capa
M'abbrucia 'a fronte
Co' chello che aggio visto mme m'abbrucia 'a fronte
M'abbrucia a capa, m'abbrucia a capa, m'abbrucia 'a fronte, fronte, fronte
[Verse 5]
Te voglio fa sape' chi ha costruito 'stu paese
Te voglio fa sape' chi n'ha pavato 'e spese
Chi e' stato deportato pe' quatto sorde 'o mese?
Guaglione siciliani e calabresi
[Verse 6]
Famme, miseria, schifezze e malatia
Chist'è stato 'o prezzo che ha pavato a terra mia
P'ave' chestu ppoco 'e lusso e civiltà
Machine, palazze, eroina a quantità
[Verse 7]
Mafia, ndrangheta, sacra corona unita
Chest'è tutto chello che c'hanno lassato
Ddoje facce teneno però nun so' nemici
'O deputato e 'o camorrista ind'o vico
[Verse 8]
Sì, d'o sud venimmo, 'o sud simmo crisciute
Ce sta chi ha dato ha dato ije nunn'aggio maje avuto
E chello che ammo passato chello nun m'o scuordo
[Chorus]
Sudd! m'abbrucia a capa, m'abbrucia a capa
M'abbrucia 'a fronte
Co' chello che aggio visto mme m'abbrucia 'a fronte
M'abbrucia a capa, m'abbrucia a capa, m'abbrucia 'a fronte, fronte, fronte
Sudd! m'abbrucia a capa, m'abbrucia a capa
M'abbrucia 'a fronte
Co' chello che aggio visto mme m'abbrucia 'a fronte
M'abbrucia a capa, m'abbrucia a capa, m'abbrucia 'a fronte, fronte, fronte
[Verse 9]
Terra ausata, terra spurcata
Rossa 'e sanghe, terra disperata
Ggente mia, ggente generosa
Nun ve arrennite, cagnate tutte cose
[Verse 10]
Sud, sud, sud, si 'nzisti tu resisti
Sud, sud, sud, si 'nzisti tu resisti
Dico: Sud, sud, sud, 'nzisti ca resisti!
Sud, sud, sud, 'nzisti ca resisti!
[Outro]
Sud, ind'a 'stu core staje
Si' comm'e 'o sanghe ind'e vvene meje
Sud, ind'a stu core staje
Si' comm'e 'o sanghe ind'e vvene meje
Written by: Gennaro Della Volpe, Giovanni Mantice
