Skaakspel

Dis die raaisel van die skaakspel

Met die uurglas wat die tyd tel

Die koning stuur kastele

Die perde kry bevele

En die koningin baklei

Gooi jou kaarte op die tafel

Laat jou dobbelsteen maar val

Die pionne uitgepak

Die witvlag laat sak

Elke troefkaart in skaakmat

Silwer en skoonheid raak oud, maar ons voer nog die oorlog

Ons weet die liefde weeg swaarder as goud, maar die skote klap nog

My liefling, laat sak jou vuiste en hou my hart as gyselaar

Lê neer al jou wapens, deur hierdie oorlog sal ek jou dra

Daar's geheime in die legkaart

Daar's besluite by die kruispad

Die wolwe van die skape skei

Die jakkals uit die wingerd kry

En vir jou en my baklei

Daar's twee kante van die weegskaal

En 'n koers om te bepaal

Daar's 'n kompas as ons wegraak

'n Anker as dit rofraak

So is ons vir mekaar gemaak

Silwer en skoonheid raak oud, maar ons voer nog die oorlog

Ons weet die liefde weeg swaarder as goud, maar die skote klap nog

My liefling, laat sak jou vuiste en hou my hart as gyselaar

Lê neer al jou wapens, deur hierdie oorlog sal ek jou dra

Elke tree van die pad jou op my hande dra

Jou deur hierdie storms vat, as die donderweer val, sal ons staan

Sien jy, die silwer en skoonheid raak oud, maar ons voer nog die oorlog

Ons weet die liefde weeg swaarder as goud, maar die skote klap nog

My liefling, laat sak jou vuiste en hou my hart as gyselaar

Lê neer al jou wapens, deur hierdie oorlog sal ek jou dra

So lê neer al jou wapens, ek sal jou deur hierdie oorlog dra