Eilean Uibhist Mo Rùin

An Eilean Uibhist mo rùin

Eilean cùbhraidh nan beann

Eilean Uibhist mo rùin

B'e mo dhùrachd bhith ann

An Eilean Uibhist mo rùin

B'e mo shòlas bhith air m' eòlas

An eilean bhòidheach ud thall

Far am faic mi mo chàirdean

'S gheibhinn fàilte nach gann

An Eilean Uibhist mo rùin

Far am faic mi fir òga

Ghearradh mòine nan deann

'S a ghearradh snasail an t-eòrna

'S a chuireadh dòrlach sa bhann

An Eilean Uibhist mo rùin

Far am faic mi fir liatha

Glic-bhriathrach nan cainnt

Mean-bheachdach sean-eòlach

A' toirt seòladh don chloinn

An Eilean Uibhist mo rùin

Far am faic mi mnathan uasal

Aoigheil, uallachan, trang

Tha ro-ainmeil uan stòltachd

'S an gnìomh dòigheil nan làimh

An Eilean Uibhist mo rùin

Tha coibhneas is bàigh

'Gabhail àit' ann an com

Gach neach a chaidh àrach

Fo sgàile nam beann

An Eilean Uibhist mo rùin

Bi aoigheachd is fàilte

Gu bràth feadh nan gleann

Fad 's a bhuaileas air tràigh

Boinne sàile nan tonn

An Eilean Uibhist mo rùin

'S e slàn leis na dh'fhàg mi

Bheir mo dhàn-sa gu ceann

'S le m' phiuthar, 's le m' bhràithrean

'S le m' phàrantan thall

An Eilean Uibhist mo rùin

Eilean cùbhraidh nan beann

Eilean Uibhist mo rùin

B'e mo dhùrachd bhith ann

An Eilean Uibhist mo rùin

Eilean cùbhraidh nan beann

Eilean Uibhist mo rùin

B'e mo dhùrachd bhith ann

An Eilean Uibhist mo rùin