Мөнхийн Дэргэд Ээж Минь

Сүүтэй энгэрийг нь чичрээж

Уйлахад минь сэрүүн ээж минь

Суугаа хоносон шөнө нь

Одноос олон байгаа даа

Зулай дээр нь залбирсан бурхан ч юм уу даа ээж минь

Заяа буяныг минь тэгшилсэн хорвоо юм уу даа ээж минь

Дууны сэжүүр аргадаж дуудахад нь ойрхон байя даа

Үүлэн сүүдэр зайчилж үнсэхэд нь ойрхон явъя даа

Нүүрэн дээр минь мандсан

Наран юм уу даа ээж минь

Нүдээ нээхэд минь харагдсан

Тэнгэр минь юм уу даа ээж минь

Зулай дээр нь залбирсан бурхан ч юм уу даа ээж минь

Заяа буяныг минь тэгшилсэн хорвоо юм уу даа ээж минь

Дууны сэжүүр аргадаж дуудахад нь ойрхон байя даа

Үүлэн сүүдэр зайчилж үнсэхэд нь ойрхон явъя даа

Саалин чинээ ойрхон

Холдоход нь хормойдсон хүүгээ

Санаа алдахыг нь аргадах гэж

Мөнхийн дэргэд ээж минь

Надаас уяатай сэтгэлтэй

Сэрүүн энэрэл ээж минь

Нараа тойрон эргэлдэх

Сүүтэй ертөнц ээж минь

Зулай дээр нь залбирсан бурхан ч юм уу даа ээж минь

Заяа буяныг минь тэгшилсэн хорвоо юм уу даа ээж минь

Дууны сэжүүр аргадаж дуудахад нь ойрхон байя даа

Үүлэн сүүдэр зайчилж үнсэхэд нь ойрхон явъя даа