شامخه ياكويت

يابلادي يابلادي غاليه يابلادي

يابلادي يابلادي عاليه يابلادي

شامخه ياكويت يادار الحرار

باقيه بقلوبنا حب وعهد

في قيادة سيدي رمز الوقار

الامير الحر مامثله احد

وولي عهده للنهضه منار

قايد الامجاد حلال العقد

هذي كويت الامجاد والعقول الرزينه

لو ان المجد رجال اكيد انه كويتي

لوانك تطلبه الروح يقول الموت وينه

يجيلك بايع العمر ويقلط مستميتي

انا كويتي ومنهو زبن ياسعد عينه

ياحي فاله ويبشر ووبيته كنه بيتي

———-

وعاد العيد وجانا يهل اعياده وزان

وفبراير شهرنا وصار اجمل هديه

استقلالنا خذينا وطردنا كل عدوان

وترابنا فديناه والروح به هنيه

واميرنا فخرنا على القمه اكحيلان

على الامجاد دايم عسى اعوامه مديه

ولي عهده اللي سما في كل ميدان

يقود كويتنا فوق كما قود السريه

—-

الكويتي لانخيته ولو من غير عنوان

يشق الجيب ويقدم على خشم المنيه

تعرفه من كلامه ابد في كل الازمان

الكويتي لازهمته به الطيب وحميه

يحقلي اماري فخر في كل الاعيان

واقول اني كويتي علم والنار حيه

انا والله فدالك يادرة كل الاوطان

ياكويتنا ياجنه يادارنا الابيه

يجمعنا ثراها حضر عجم و بدوان

وقبايلنا وعوايل وطلتنا بهيه

والكويتي مكانه فوق السحابه نيشان

على القمه يخايل وفارق بالبريه