حرب تاريخ يهول من قراه

احرص توصيني ي ابو مصلح وانا ما ابغى وصاه

انا حزامي كاربه والعلم …………. في شهر اربعه

اللي مجملنا ب طيبه ……. ومتجمل ب اخوياه

إلنا الشرف في طيب راسه وان زهم حنا معه

والله وسبع انعام … ي سامر وسامر من نصاه

محزم ليا جاء الضيق ولا اهل السعه يم السعه

انا معك باللي تبي ………. في شعر ولا تبي جاه

من دون راسك …… يالبناخي كل راسن نقطعه

قم واحتزم ب اللي ل ربعه مايفكر ب الحياة

اليا لقى الصعبة وقف واليا لفى الضيف اشبعه

ماهو ب همي من وقفنا معه والموقف نساه

اصلا وقوفي صعب واليا قمت شلت الاقنعه

روسن خلقنا الله نشيل الحمل ونخيب رجاه

ان كان ماطاع الزمان .. العسر حنا نطوعه

اي والله اني عنصري ياحرب والحربي دواه

اليا تجمل في لزوم الاجنبي …. واوفى معه

حربي وربعي حرب تاريخن يهول من قراه

هذا بعد فوق اللي التاريخ شافه وسمعه

وشلون مانطغي وحنا … مجدنا يصدح صداه

المجد يطرخ بيرقه ….. والفعل ربعي تفعله

حنا هقاوينا بعيده .. تاصل النجم ب سماه

ولا الخبل هقواته إمن الغاط لين المجمعه

الوجه من دونه نطش الشيخ ونحجز عقداه

والراس يطغي واللويصق من عدانا نشبعه

ضربه على الاعناق فالشيخان ماهو فالرعاه

فعلن عليه ثبوت … ماهو هرج ولا معمعه

ايه والله ان حنا بني عمر وسلاطين ودهاه

العمري ب وسط الجزيرة لا نوا من يمنعه

العمري اليا مدها ….. مايطرح الا من الطغاه

ماهو ب خبلن راح وقته والرصاص يجمعه

الغاره اليا جات لو الخصم مايحصى مداه

قبيلهم فالحرب من ربعي بني عمر اربعه

مشاعلة من روس حرب ومن وقع ماله نجاه

ان كان زابنا زبن ……. وان كان عادا نخثعه

مشاعلة عز الخوي … مشاعلة وجه ووجاه

مشاعلة درع القبيلة ……… والردا ماتتبعه

والله يعز الحاكم اللي بالوطن مرهي عطاه

الحاكم اللي عز داره ..واكرمه لين اشبعه