Dialogplatz

Es isch mer irgendwie lieber

Und sicher ischs au grächter

Zwei Schtund schpillt de Jamiro mit Schwiizer

Und zwei Schtund mit Chind us andre Länder

Es isch meh als wohne

Es isch Bsetze für di Erwachsne

S isch alles chöne sälber boue

D Schissi, au s Liecht iezoge ganz eleige

Es isch meh als läbe, s isch richtig guet gmacht

Für Liebhaber und Abentüürer

S isch i de Duschi abwäsche

Und ässe uf de Schranktüre

Werum lömmer die Wurzle

Nid eifach im Wind hange

Jedi Nachberi e Referänz und die Schtei e Reminiszänz

A d Fabrik wo da isch gschtande

Und dass de Platz jetzt au no hät müese

Dialogplatz heisse

Hät doch nume dass de Dialog platzt isch gheisse

Und dass e Schtadt wiiter de Wäg hät müese

Dialogwäg heisse

Hät doch nume dass de Dialog wäg isch gheisse

Da händ ois oisi Eltere

Doch völlig falsch verschtande

Nur will mer früehner i Fabrike gwohnt händ

Wämmer doch nid es Läbe lang Komposcht schtampfe

Sie mached oise Läbesruum

Zur Kulisse von're Komödie

Sie zwinged ois

Gäg oisi eigne Ideal z rebelliere

Es isch meh als läbe

Es isch die eige Fuuscht i d Frässe

S isch schwitze'n im Summer

Und im Winter halt echli früüre

Werum isches so troschtlos

Sich mit däne Läbesentwürf z arrangiere

Si läbed in Dubai

Und mir müend ewig pubertiere

Und dass de Platz jetzt au no hät müese

Dialogplatz heisse

Hät doch nume dass de Dialog platzt isch gheisse

Und dass e Schtadt wiiter de Wäg hät müese

Dialogwäg heisse

Hät doch nume dass de Dialog wäg isch gheisse