Cammara Sigreta

Si misca lestu 'u mazzu

Lestu cancianu li figuri

Lestu gira la cucchiara

Si miscanu li pinzeri

Gir' 'a cucchiara

'ntunn' 'e labbra d' 'a

Cicara caura

'nt' 'a so girata

Ti purta cu idda

Tantu jusu.

Seggia da cucina

Divintata

Cabin' 'e cummanni

D'autu, cadi tra

Nuvul' 'e ricordi

Chiovi d' 'i ghiorni

Jusu la città

Unni si ammuccia

'a Cammara Sigreta

Sintemu ca c'era

'nfunn' a la città

'na cammara sigreta

Nuddu 'nta a stratta

Nudda porta

Aperta

Città di Tarocchi

Lasciaci passa-

-r'unni si 'mbriacca

Acchiannanu

Scrusci 'e chiddi ca

Durmiri nun sannu chiu

Cumparsi sutta

I nostri peddi la

Cammara Sigreta