Spiegubiud

Wo fasch a u wo hörsch uf

Meischtens verchlüpfen i - nume säute nid

Mängisch loufts besser, mängisch chumi ganz schlächt druf

U mängisch blybi stah u gseh dr Ungerschid

Schlafe, hm, chani scho lang nümm

Mini Ouge, si luure i Schattenäschter

Ke Rueh, ke Muet u o ke Stimm

D'Stiui wird nume broche dür das ewige Gläschter

U i wett hundert angeri Gsichter ha

U je nach däm nämi ds einte oder ds angere füre

Eis für di tummi Tschudi, es angers für dä Richter da

Es heisst mit Maske chunsch besser dür ds Läbe düre

I gseh immer wider ds glyche Gsicht

Es isch scho lang nümm das woni wetti gseh

I sueche mi säuber

I mim Spiugubiud

Ds Läbe frisst mi uf

I verschwinde meh u meh

Ds Läbe frisst mi uf

I verschwinde meh u meh

Mis Gsicht isch e truurigi Maske

Bluetläär, bleich u grau

Es gseht us wi eis vo dene aute Freske

Verbliche, me gseht d'Konture nümm eso genau

Ussert d'Spure, wo das Läbe hingerlat

Si wärde meh, dütlecher u tiefer

Wunde schyne verheilet, gflickt mit Stachudraht

U dr Blick uf d'Wäut, er wird gäng schiefer u schiefer

I gseh immer wider ds glyche Gsicht

Es isch scho lang nümm das woni wetti gseh

I sueche mi säuber

I mim Spiugubiud

Ds Läbe frisst mi uf

I verschwinde meh u meh

Ds Läbe frisst mi uf

I verschwinde meh u meh

Ds Läbe frisst mi uf

I verschwinde meh u meh

I verschwinde meh u meh

I verschwinde meh u meh

I verschwinde meh u meh