Vaterland

Lue di a mis Vaterland

Du alte Maa am Alperand

Bisch so wie Vätre halt mängisch si

Vo usse hert vo inne fiin

Ä schroffe Fels us grobem Stei

U trotzdäm bisch du mis Dehei

Mit weiche Züg us Fäld und Wald

Vaterland, so bisch du halt

Solang das no die Alpe stöh

Üs d'Sunne schiint im warme Föhn

Solang gahn i a dinre Hand

U du a mire, Vaterland

Vaterland, du ruuche Cheib

Hesch mänge Winter üs uferleit

Doch jedes Mal tousch wieder uf

U dini Chelti isch plötzlech furt

Du hesch üs geng und guet versorget

Bisch frömde Lüt e Heimat worde

Me muess di kenne, für di z'verstah

Vaterland, du alte Maa

Solang das no die Alpe stöh

Üs d'Sunne schiint im warme Föhn

Solang gahn i a dinre Hand

U du a mire, Vaterland

Du a mire, Vaterland