Finsteraarhorn

Geischt vom Feischteraarhorn, wach uf!

Chömet nech cho zeige, dir Dahus us dr Eige

Salamander vo dr Kanderau, Gnome usem Gürbetau

Dir wysse Froue, wiude Manne, Riise vo Guettanne

Männdli usem Ammetännli, Zwärg vom Schwarzebärg.

E Gryff vo Schafgrinds Gügerli, vom Moos es Totemügerli

Gruebemönch vom Bunderspitz, Venediger vor Ungerschwyz

Eufe us dr Eufenou, Fee vom Schwändisee

Eihorn vo Gurin, Häx vom Beverin!

Du hesch üs grüeft - Jetz simer do!

Was wotsch vo üs? Was wotsch bercho?

I wott ke Hüuf, i wott ke Guld!

I wott ke Handel, u ke Schuld!

Ha nume wöue luege obs öich git!

I wott nid riich si, u ke Plunder

Wott ke Zouber, u kes Wunder

Hätti nur e wirewinzig chlyni Bitt:

I wett gärn fiire, wetts la krache

Mitnech feschte, mitnech lache

Und e Nacht, e Nacht, e Nacht lang mit öich ... tanze!