Ағажан

Бәйтеректей саялы,

Алақаның аялы,

Маңдайымнан сыйпаған менің.

Қамқор аға әкедей,

Еркелеткен мәпелей,

Тілегіңнен сый табам сенің.

Қарлығаштай қанатың,

Талмай, тынбай қағатын,

Жасымаған көзіңе сенем.

Жетеледің жеткіздің,

Қарызымыз көп біздің,

Асыл ағам өзіңе деген.

Құтты болсын, ағажан, қуанышың!

Азамат боп ер жетті-ау жұбанышың,

Өмірінің шырағын сөндірмесін,

Көңіліңнің жалғасын, ұл ағысын.

Бізді ойлап жүргенде,

Байқатпастан бір демде,

Ер жетіпті-ау ұл-қызың бүгін,

Кір шалмаған арыңмен,

Жаздай сұлу жарыңмен,

Жана берсін жұлдызың бүгін.

Бұл тойыңды аңсадық,

Қызмет қып, жар салып,

Еріп келем ізіңнен сенің.

Тойың тойға ұласып,

Бақ -дәулетің гүл ашып,

Нұр таймасын жүзіңнен сенің.